kuchh to hava bhii sard thii kuchh tha tera khayal bhi
dil ko khushii ke saath saath hota raha malaal bhi
baat voh aadhi raat kii raat voh pure chaand ki
chaand bhi ain chet ka us pe tera jamaal bhi
sab se nazar bacha ke voh mujh ko aise dekhate
ek dafaa to ruk gaii gardish-e-maah-o-saal bhi
dil to chamak sakega kya phir bhi taraash ke dekh lo
shishaa garaan-e-shahar ke haath ka yeh kamaal bhii
us ko na paa sake the jab dil kaa ajeeb haal thaa
ab jo palat ke dekhiye baat thi kuchh muhaal bhii
merii talab thaa ek shakhs voh jo nahin mila tou phir
haath duaa se yuun gira, bhuul gaya savaal bhi